Transcription
1
Reçue à Grenoble, le 15 mars 1573. Répondue le 15 mars 1573.
2
Monseigneur, je vous ai escrit tous ces iours passés tout aussi souvent que j’ay
3
peu trouver des messagers et à present je ne scai ne qui merite bonement l’escrire.
4
Toutesfoys je n’ay voulu laisser de commencer ceste cy ayant entendu que le chevaucheur
5
de ceste ville envoye quelque pacquet à Grenoble. Il me semble vous avoir escrit
6
comme madamoiselle de St Preis, le sieur de Mures et Platel me veinrent trouver
7
hier matin pour se resoudre de leurs affères. Ledit Platel estoit content de livrer
8
audit sieur de Mures les dix et sept mille livres qui lui vienne pour sa part en
9
luy faisant par ledit sieur de Mures les promesses qu’il desyroit avec cautions
10
jusque à ce qu’il eust son adiudication de decret. A quoy iceluy sieur de Mures
11
estoit content de satisfère. Mais pour cela ne voloit passer outre à
12
fère par devant le vicaire ou official de monsieur de Lyon les confessions
13
et declarations portées par certaines memoires dressées et signées
14
par le conseil de mademoiselle de St Preis, ains seulement voloit passer
15
une procuration pour fère icelles confession et declarations, laquelle il entendoit
16
demeurer entre les mains de son cousin monsieur le Gardier iusqu’à ce
17qu’après ladite adjudication luy et ses cautions seroyent hors d’obligation [barré : sans
18
que] à ce que cependant on ne s’en peut ayder. De ma part quant
19ores j’eusse estimé qu’il n’y eust poinct eu de danger [barré : d’empechement et ]
20
pour ladite demoiselle de passer oultre et par-dessus lesdits memoires,
21
si me fusse je bien gardé de le luy conseiller en chose que luy importe
22
tant au bien et à l’honneur. Mais j’ay trouvé le contenu esdits memoires
23
très raisonnable et necessaire. Mesmes qu’il y a si peu de bone volunté
24
entre ces deux persones qu’elle n’ont point d’occasion de s’y fier [mots barrés]
25
au moins pour le regard de ladite demoiselle. Car quant audit sieur de Mures,
26
je ne recognois pas grand hazard ne interest pour son regard. Et vault
27
mieux qu’elle aye patience que l’adjudication soit faitte, et qu’il soit retourné
28
de La Rochelle où il dict s’en aller. J’entends qu’il n’a pas tout l’argent
29
qu’il voudroit bien avoir. Peut estre qu’il se radvisera. Ladite damoiselle
30
et ledit Platel ont prins heure ceste apresdisnés de tourner pour veoir
31
comme ils auront à proceder cependant. Voila un procès mais c’est par ce que vous la m’avés
32
[300 v°] recommandée. Si mon frère n’est contremandé, nous le devons voir icy pour demain.
33
De la Rochelle ne de Sancerre je ne scay rien d’avantage
34
que par mes precedentes. Et sur ce, après mes très humbles recommandations à votre
35
bone grace et de madame de Gordes, je prie le Createur
36
vous doné
37
monseigneur en parfaicte santé, très longue et heureuse vie.
38
De Lyon, ce XIIIe mars au matin 1573.
39
Je suis en peine de monseigneur le mareschal, lequel j’entends avoir
40
sur les bras les rebelles de Montauban mesmes debvant estre
41
son camp harassé du siège se trouvant chargé de nombre d’artillerie
42
et qui pis est n’estant pas les compagnies de gendarmes qu’il a
43
fournies comme il appartiendroit ne par de là qui devroit estre
44
neantmoins son principal advantage. Je prie à Dieu luy estre
45
en ayde.
46
Monsieur de Langes me vient de dire comme monsieur de Mandelot
47
Vous à fait un depesche affin de vous fère entendre comme une
48
compagnie descend là bas devers mondit seigneur le mareschal sil vous plairra
49
l’employer pour le secours de monsieur de Louzières. Plait à Dieu
50
que vous y peussies faire quelque chose de bon.
51
Le poissonnier a dict avoir laissé mon frère à Sardon
52
qu’il s’en vient et devré estre icy demain au soir.
53
Votre très humble et très affectionné serviteur
54
Bellievre